eg er lifandi.

 Strakur sem eg thekk var raendur her um daginn. Hann var med 10 evrur i vasanum og sagdi vi thjofinn ad hann sjalfur aetti ekkert meira til thess ad kaupa mat fyrir. Thetta vaeri hans eini peningur, sem var alveg satt. Steluthjofurinn sagdist tha vera me 6evrur a ser og sagdi ad their aettu bara ad skipta.

Allir sattir

Það er ekki laust við að undarleg tilfinning geri vart við sig þegar ég sit hér á rúminu mínu á Passeig Garcia i faria 21-23 í dag. Þetta er líklega í síðasta skiptið sem ég get með góðri samvisku kallað þetta mitt rúm eða mitt herbergi. Ég er koming hingað til að leggja lokahönd á verkið, þ.e. taka dótið mitt sem er pakkað ofan í töskur og kassa og taka plakötin mín niður af veggjunum.

Ég man það reyndar eins og það hafi gerst í gær þegar ég kom inn í herbergið mitt í fyrsta skiptið strax í byrjun október, síðasta árs. Ég man þegar ég tók mynd niður af veggnum sem þar var fyrir og setti í staðinn upp Tinnamyndirnar mínar. Þá var það orðið mitt herbergi. Í gær stóð ég fyrir framan sama vegg, tók niður Tinnamyndirnar og setti gömlu myndina aftur upp á sama vegg. Kallið mig dramatíska en þetta þóttu mér vera einhvers konar kaflaskil(og var reyndar alveg hádramatískt)

Þrátt fyrir að ég hlakki óendanlega mikið til að koma heim, þá hefur þetta vanist ansi vel. Ég á eftir að sakna þess að búa hér og á vonandi eftir að koma hingað oft. Ég er fyrst núna að komast inn í alvöru borgina, alvöru fólkið, alvöru kúltúrinn og alvöru tungumálið og þá er ég bara rifin burt. Ég á ekki nema tæplega mánuð eftir en Hannes er svo latur að það er eiginlega ekki nema hálfur mánuður í rauntíma. (hann nennti ekki að hjálpa mér að flytja því hann er  þunnur heima)

Ég þakka fyrir mig!

Fregnir af kulda og risahagli frá Íslandi hafa takmarkað náð að deyfa vilja minn til heimferðar. Þrátt fyrir ég sitji, eins og er, úti á svölum með tónlist og horfi yfir sjóinn get ég ekki annað en hugsað heim. Nú er fjölskyldan mín í óðaönn að skipuleggja útskrift Hjalta bróður sem haldin verður með pompi og prakt á morgun. Óska Hjaltanum mínum kærlega til hamingju með þetta stóra skref. Ég er óendanlega stolt af honum. (reyndar er ég hrædd um, samkvæmt einkunnum bróður míns og árangri hinna systkinanna, að ég sé sú sem reki eftir allt saman lestina 

Eftir nokkra daga klára ég vinnuna mína hér. Þá flyt ég inn í litlu íbúðina við römbluna með Hannesi. Þá ætla ég mér að læra catalónsku og slaka á ströndinni í mánuð. Svo kem ég heim.

Þessa dagana er ég móðir, full-tæm-jobb, því foreldrarnir notuðu tækifærið og skelltu sér til Portúgal í sma frí. Rut var að fara frá Björk litlu í fyrsta skiptið sem er örugglega erfitt fyrir hverja móður. Mér gengur samt alveg furðuvel í mömmuhlutverkinu enda búin að vera í strangri þjálfun síðustu mánuði. Setja í vélina á ákveðnum tíma svo hún sé búin klukkan þetta svo Björk geti tekið lúrinn sinn á réttum tíma og svo framvegis. Ég geng jafnvel svo langt að segja að mér líki bara frekar þetta mömmudjobb! Erfiðir tímar á köflum en það er nú fátt sjálfsagðara enda verður maður bara harðari fyrir vikið.

Af þessum sökum vil ég auglýsa hér með eftir föður börnum mínum. Ég er engan veginn tilbúin í samband svo einungis er ætlast til frjóvgunar. Sá hinn sami má síðan hafa eins lítil afskipti af orminum og hann vill. Æskilegt er að viðkomandi hafi greindarvísitölu í hærri kantinum og stór(ekki vill ég að krakkinn verði 1.63cm eins og mamman!!!) +Eg bið ekki um mikið!

Umsóknir skulu sendar á kommentakerfið eða í síma 0034655203704.

Takk fyrir

Fáránlegt!

http://animation.speakfree.net/video/sott/wmv/ghtw.wmv

Þetta er það rosalegasta og skrýtnasta sem ég hef á ævinni séð. Mér leið eins og í mannavatnasögunni um árið. Vissi ekki hvort ég átti að hlæja eða gráta. Vek athygli ykkar á að klára að horfa á myndbandið því það er konfektmoli í lokin sem lætur engan mann ósnortinn!

um myndbandið, tekið af panama.is;
"Westborokirkjan í Kansas hefur tekið upp nýja útgáfu af laginu We Are the World undir því jákvæða og hressa nafni God Hates the World. Þessi kirkja virðist sérsniðin fyrir trítilóða rugludalla, en hún hefur oft mótmælt við jarðarfarir bandarískra hermanna sem látist hafa í Írak og Afganistan. Kirkjan trúir því nefnilega að dauði sérhvers Bandaríkjamanns í herþjónustu sé refsing Guðs fyrir hin ýmsu afglöp þjóðarinnar."....."Aðalrugludallur kirkjunnar, presturinn Fred Phelps, er löngu orðinn landsþekktur vestanhafs vegna baráttu sinnar gegn samkyhneigð. Þannig telur hann að helsti löstur þjóðar sinnar sé hversu miklar tilslakanir hún veiti samkynhneigðum. Hann er að auki ötull andstæðingur skilnaðar, notkunar getnaðarvarna og annara hræðilegra synda."

Bið ykkur að taka eftir bleika bolnum sem stúlka hægra megin er í!

Til hamingju Ísland!

..en eins og einhver sagði hérna um árið: hlutirnir hafa afgerandi tilhneigingu til að reddast!

Þrátt fyrir fyrrnefndan djöfulgang sem átt hefur stað á Klakanum að undarförnu, þá er hann byrjaður að kalla á mig. Hann syngur mér ljúfan mansöng sem ég fæ varla staðist. Sumir segja þetta heita heimþrá, aðrir raunsæi...ég kýs að kalla þetta draumóra. Mig dreymir um að leggjast í bláa sófann í Bogahlíðinni(sem er merktur meðal 10 bestu staða í heimi í einhverri bók sem fannst í San Sebastian) og flatmaga, heyra fjarlægt nöldur móður minnar inni í eldhúsi og setja upp leðurhlustir.

Mig dreymir líka um þá íbúðina sem ég mun búa í(ojalá/utinam) þegar ég kem heim. Búa ein miðsvæðis og ganga í skóla steinsnar frá.(með persónusvæði á stærð við Antartíku) Það gleður mig líka að eina ferðina enn hef ég nám við sama skóla og Hjalti, stóribróðir en hann er(a því er ég best veit) að byrja í Iðnverkfræði. Hann útskrifast núna 23. maí úr FB. Ég tek það óskaplega nærri mér að geta ekki verið þar og fagnað með fjölskyldunni þar sem Bói er meira að segja búinn að byggja pall við húsið af gefnu tilefni. Þar verða vísast til mikil veisluhöld til heiðurs Stefáni Hjalta.

Einnig ber að nefna stúdentsveislur elskanna minna sem eru að klára MR núna. Vildi óska þess að ég gæti komið.

Í staðinn kem ég bara tvíefld til baka!

(tek ekki nokkra ábyrgð á orðavali)

Ár eftir ár horfum við Íslendingar upp á lýðræði okkar gróflega svívirt, beint fyrir framan nefið á okkur! Aftur og aftur látum við þessa örfáu, freku og breysku menn misbjóða þolinmæði vorri* gróflega!  ..  og  ég leyfi mér að spyrja; að hvaða mörkum mun taumlaus ósvífni þeirra hendast!?* Ætlum við í raun og veru að sitja á okkar lata, helvítis, feita rassgati og horfa upp á sjálfstæðisflokkinn raða upp þingmönnum Framsóknar tilviljanakennt í ráðherrastólana?? Mönnum sem njóta einna minnst fylgis þjóðarinnar! Finnst engum öðrum neitt athugavert við þetta??? Ætlar enginn að segja neitt! Á að leyfa þeim að mynda stjórn í skjóli veggja einkaheimilisins til þess að sem fæstir taki eftir því!! Læðast meðfram veggjum. Helvítis pukur, hata pukur! Kosningar búnar og fréttaflutningur um málið í lágmarki! Aðalfréttin á mbl.is þessa stundina er að krían sé komin á Nesið. Á NESIÐ!

Ég veit ekki með ykkur en ég kæri mig ekki um að kyngja skítugu framsóknarbrundinu stundinni lengur. Nú er lag að taka upp krítarkassann, gott fólk og segja hreinlega; hingað og ekki lengra! Nú sé komið nóg!

Ákvörðun hefur þó ekki verið formlega tekin og ber ég þá von í brjósti mér að Geiri virði lýðræðið og taki mark á fólkinu í landinu.

Er þaggi???? 

  *úr fyrstu ræðum cic.(hva, ekki vill maður gerast sekur um þjófnað )

Hvílík vonbrigði.

Vil samt sem áður óska Vinstri Grænum til hamingju með persónulegan sigur!!

....Ég er ekkert svo viss um að gæjarnir í "hörðu austantjaldsmafíunum" séu það rosalegir  Eurovisionaðdáendur.

Project Júgóvision, stæsta samstarfsverkefni mafíanna í aldaraðir??

Eða hvað veit maður, kannski er þetta forgangsatriði hjá þeim að svindla í söngvakeppninni. Örugglega margir dáið og aðrir skaddaðir fyrir lífstíð...en það er aðeins lítil fórn að færa fyrir Söngvakeppni evrópskra sjónvarpsstöðva

ég væri samt alveg mega til í að krassa Júróvisionpartýið þeirra! Kannski eru svona themu...hver og einn klæðir sig upp eins og uppáhalds júró-stjarnan þeirra. Svo er heldur betur hlegið því 2 stæstu Don-arnir komu báðir sem Páll Óskar. 

"What happens in the family, stays in the family....."

Jæja, þá er mamma farin aftur heim eftir vel heppnaði heimsókn hér í Catalunyu!

Eftirfarandi lærðist á meðan á dvölinni stóð:

#1: Vín hefur tilhneigingu til að batna eftir því sem maður drekkur meira af því.

#2: Sitges er EKKI nær Frakklandi!

#3: Ef þú hefur hug á að kaupa erlenda fasteign, þá er ráð að kaupa í Kasakstan. "Þar fer að verða íslensk fjármálanýlenda, ekki ósvipað og Kaupmannahöfn er í dag"

#4: Ég er frekust af öllum börnunum hennar.....

.....Mikið sagt! 

ég nota tækifærið og óska Friðrik, stórabróður hjartanlega til hamingju með afmælið í dag!

p.s. ég held ég sé skuggalega mikið sama týpa og Axel í Sódómu!

einnig bið ég lesendur að athuga nýja könnun á síðunni

Antíklímax:

Eins og allt heilbrigt fólk með normal(+) hormónaflæði í líkamanum þá myndast einhvers konar spenna í sálinni á fallegum vor- eða sumarkvöldum. Á slíkum kvöldum var ég vön að fara út í leiki á borð við eina krónu eða fallin spíta, full bjartsýni og æskugleði. Enn í dag, fyllist ég sömu sumar-tilhlökkunar- og spennutilfinningu sem fyllti hjartað hér "í den" , þó á ólíkum forsendum svona í seinni tíð.

Hér eru sumarkvöldin falleg og sálin tekst á loft sökum fyrrnefndrar gleði í hjartanu. En á Spáni er stutt gaman! Sólin bara sest!!!! Ég hafði hreinlega ekki gert mér grein fyrir hverslags bölvaður antíklímax það í raun og veru er! Hjartað rifið úr manni á hverju kvöldi og æskugleðin aðeins askan ein á eldhúsgólfinu.

Lifi íslenskar sumarnætur og megi spítan aldrei falla!

heyr heyr

Það þarf sterkar taugar í að vera professionally good looking, eins og ég er! Á hverjum degi þarf maður að berja frá sér ljósmyndara til að komast í metróinn og hafna vonbiðlum í tugatali. Nýjasti vonbiðillinn er af verri endanum, en það er húsvörðurinn í blokkinni okkar! Ég hef haft það lengi að markmiði að sýna hlýtt viðmót í hvívetna því eins og hefur verið margsannað, þá smílar heimurinn framan í þá sem smíla framan í hann. Hins vegar er ég komin með ógeð á því. Ég í einfeldni minni vil bara vera viðmósblíð við náungann en hef nú séð að þetta er ekki hægt hérna. Húsvörðurinn er á fimtugsaldri með gráa mottu yfir efrivörinni(mér fæ meira að segja svona oj-tilfinningu að hafa skrifað orðið efrivör í hans samhengi). Þessi maður segist bara gleðjast þegar hann sér mig og vill að við förum saman á deit. Hann hefur meira að segja reynt að koma með mér á ströndina þegar ég ætlaði þangað einn góðan veðurdag!

Í vikunni kom líka enn einn Casanovann, greip mig(um hábjartan dag) hélt mér svo ég gat ekki lamið eða ýtt og kyssti mig bara megablautt á munninn!!

Djöfulsins bölvað ógeð er ég komin með á þessum fjandans uppáþrengjandi miðjarðarhafstittlingum!!

Í aðra sálma. Í gærdag, eftir að hafa gist heima hjá Hannesi, lagði ég af stað að kaupa brauð og safa, enn í "náttfötunum" (íþróttabuxum, bol og sandölum af H. ) Þegar ég opna útidyrahurðina bregður mér í brún. Þar er verið að taka upp tónlistarmyndband í götunni okkar ( þetta er íbúðin sem ég flyt í í lok maí ) með einhverjum rosalega miklum rappgangsterum! Ég tek kveðjum þeirra og tölti í búðina. Að því loknu, áður en ég fór aftur inn, bjóða herramennirnir mér gin í kók(var eiginlega frekar kók í gin!!) og við spjöllum saman. Ein konan sem er að taka upp, eða sjá um lúkkið eða eitthvað, segir mér að þetta séu einhverjir megafrægir rapparar á spænskumælandi svæðunum. hmmm...það skemmtilega við þetta allt saman er að þeir völdu götuna okkar til að taka upp í því hún er ein sóðalegasta og mest gangster-looking gatan í Barcelona. Gaman að segja frá því.

Þessi gaf mér kók í gin í gær:

Dag einn þegar allt var með felldu í afdalnum var ég á gangi í lítilli götu við húsið mitt í BCN. Það var þetta líka prýðisveður og ég var létt á fæti sem grunlaus sveitastúlka á öðrum degi sláttar. Skyndilega tók ég eftir því hvar piltur einn hver stóð á húshorni gaf mér auga. Ég leit upp og roðnaði alveg niður í tær. Drengurinn dró annað augað ögrandi í pung og starði á mig. Ég brosti auðvitað á móti en undraði mig á hátterni stráksa.

Þetta allt væri varla frásögu færandi nema fyrir þær sakir að pilturinn var örugglega ekki deginum eldri en 12 vetra.

(nei, Þura hættu nú alveg!)

p.s. mamma kemur í heimsókn til mín 3.maí. Að gefnu tilefni hlusta ég á megas og brýt saman þvott.